Яндекс.Метрика «Омск карбон Могилев» Archives - Магілёўскі Рэгіён

Председателем Могилевского областного комитета природных ресурсов и охраны окружающей среды назначен Константин Тепляков

Председателем Могилевского областного комитета природных ресурсов и охраны окружающей среды сегодня назначен Константин Тепляков. Ранее … чытаць далей

Гульні алігархаў: «Омсктэхвуглярод» перастаў быць омскім у дзень пуску магілёўскага завода

Флагман «Омск Карбон груп» – завод «Омсктэхвуглярод» – зноў перарэгістраваўся ў Маскву. Цяпер падатковы кантроль над прадпрыемствам будуць весці з расійскай сталіцы, піша mspring.online.

Фота: Радыё Свабода

19 снежня СМІ паведамілі пра тое, што прадпрыемства «Омск Карбон Магілёў» пачаў вырабляць першую прадукцыю ў рамках пуска-наладачных работ. Прэс-служба завода назвала «Омск Карбон Магілёў» рэальным прыкладам інтэграцый дзвюх эканомік – расійскай і беларускай. І на гэты спіч мы звернем увагу крыху пазней.

У гэты ж дзень у Омску прэс-служба ТАА «Омсктэхвуглярод» паведаміла, што гэта прадпрыемства стала на падатковы ўлік у Міжрэгіянальнай інспекцыі ФНС па найбуйнейшых падаткаплацельшчыках №5 горада Масквы. Прамгігант тлумачыць гэта тым, што дасягнуў неверагодных паказчыкаў, якія пераводзяць яго ў новы разрад.

Аднак у Омску кожнае такое паведамленне для СМІ пазней абрастае каментарамі, з якіх становіцца зразумелай логіка дзеянняў бізнэсоўца Валерыя Каплуната. Так адбылося і на гэты раз. Адзін з крытыкаў прадпрыемства адзначае, што з прыходам новага губернатара Аляксандра Буркова бізнес-клімат для алігархаў пагоршыўся, а маскоўскі падатковы кантроль ён называе «лішнімі грашыма на панты з перарэгістрацыяй». Калі кіраўніцтва вобласці раптам зменіцца, і ківач качнецца ў іншы бок, «Омсктэхвуглярод» папросту вернецца ў Омск.

А на наступны дзень, 20 снежня, з’явілася інфармацыя, якая, збольшага тлумачыць сітуацыю – кіраўнік рэгіёну Аляксандр Буркоў запрасіў маскоўскага экалагічнага актывіста на першае пасяджэнне Экспертнага савета па экалогіі пры губернатары Омскай вобласці. Больш за тое, старшыня Расійскага экалагічнага таварыства Рашыд Ісмаілаў яго і ўзначаліў. Стала вядома, што прапановы Омскай вобласці аб спрошчаным доступе наглядных органаў на прадпрыемствы, якія ігнаруюць экалагічныя правілы, былі падтрыманы на федэральным узроўні – адпаведныя папраўкі ў закон унесла Дзярждума РФ.

Цяпер сысці ад адказнасці не атрымаецца. Экспертная рада будзе самастойна сачыць за экалагічнай сітуацыяй у рэгіёне і дзейнасцю прамысловых прадпрыемстваў. А Омск ўваходзіць у лік 12-ці гарадоў, якія павінны істотна знізіць выкіды, выконваючы даручэнне прэзідэнта Расіі. Новае заканадаўства прымусіць уласнікаў прадпрыемстваў перайсці на выкарыстанне больш экалагічных тэхналогій.

Па выніках года Омск увайшоў у пяцёрку самых дэпрэсіўных рэгіёнаў Расіі, фактычна – гэта зона экалагічнага бедства. Ільвіную долю забруджванняў даюць тры прадпрыемствы хімпраму – нафтаперапрацоўчы завод, «Омскшына» і «Омсктэхвуглярод», хоць у апошні месяц труціў паветра і гальванічны цэх танкавага заводу «Омсктрансмаш».

Каб зразумець омскія экалагічныя рэаліі, прывядзем цытату Аляксандра Буркова на экспертным савеце. Ён прызнаў, што праблема прамысловых выкідаў не змяншаецца і адкрыта назваў прадпрыемствы непрыемным словам: «Практыка процідзеяння экалагічным тэрарыстам паказала, што ў рэгіянальнай ўлады не хапае паўнамоцтваў …».

Нагадаем, у Магілёве 19 снежня прадстаўнікі «Омск Карбону» заявілі, што на заводзе «устаноўлены сучасныя ачышчальныя сістэмы, з ужываннем якіх «Омск Карбон Магілёў» стане ў адзін шэраг з самымі перадавымі заводамі свету». Праўда, у гэты ж час кіраўнік Омскай вобласці называе забруджвальнікаў паветра «экалагічнымі тэрарыстамі» і кажа, што праблема прамысловых выкідаў не змяншаецца нават пасля асабістага патрабаванні Пуціна. Верагодна, «Омсктэхвуглярод» таксама маецца на ўвазе.

Фота чарговага «пуску» магілёўскага завода, апублікаванае радыё «Свабода», кажа само за сябе:

Фота: Радыё Свабода

Але вернемся пакуль у Омск, дзе супрацьстаянне алігархаў і іх фінансавых імперый не спыняецца вось ужо чвэрць стагоддзя. Пакуль магілёўцы слухалі аповеды пра новыя ачышчальныя сістэмы і лідэрства ў свеце, «Омсктэхвуглярод» апошнія два месяцы займаўся вельмі празаічна разборкамі з мясцовай «Цеплавой кампаніяй». Прадстаўнікі «Омсктэхвуглярода» раптам заявілі ў паліцыю аб крадзяжы цеплавой энергіі.

Нібыта была выяўленая незаконная ўрэзка ў цеплавым вузле завода – гэта была перамычка, якая забяспечвае звышнарматыўнае падсілкоўванне сеткавай вады «Цеплавой кампаніі» за кошт крыніцы «Омсктэхвуглярода». Праўда, пазней высветлілася, што перамычка была часткай савецкай сістэмы для забеспячэння бесперабойнай падачы цяпла, змантаваная яна была ў канцы 90-х гадоў у якасці аварыйнай. Неяк гэта нізка для будаўнікоў «перадавога завода свету».

Але не толькі мы цытуем омскія СМІ. Як аказалася, нашы омскія калегі ідуць тым жа шляхам, каб зразумець, што дзеецца ў далёкім Магілёве. У гэта цяжка паверыць, але амічам распавядаюць пра тое, як «расейскі інвестар ўкладвае сотні мільёнаў даляраў у будаўніцтва сучаснай высокатэхналагічнай вытворчасці». А ў гэты ж час унутры Расіі крытыкі «Омсктэхвуглярода» атрымліваюць цэтлікі (цытата) «блогераў-фрыкаў, прадажных СМІ, прыдуркаў і вымагальнікаў ўсіх масцёў».

Там ёсць нават неіснуючы журналіст Зотаў, які штампуе пасквілі на непажаданых. Для прыкладу, артыкул, прысвечаны губернатару вобласці, выйшла пад кідкім загалоўкам «Аляксандр Буркоў: піяр праз лізаблюдаў?» Думаецца, магілёўскія журналісты наўрад ці адважыліся б напісаць нешта такое на адрас Леаніда Зайца. А ў Омску гэта норма. І піша ўсё чалавек, якога ніхто ніколі не бачыў, і нават у суд яго выклікаць нельга.

У першай палове снежня омскае выданне «Бізнес-Курс» прысвяціла матэрыял сітуацыі з пераследам магілёўскіх журналістаў і экалагічных актывістаў з боку «Омск Карбон Магілёў». І апынулася, што гэтая тактыка добра вядомая амічам. Прывядзём красамоўную цытату журналісткі Ульяны Няскоравай:

«Як аказалася, у Магілёве ідзе сваё непрымірымая вайна з мясцовымі (журналістамі, – заўв. Рэд.) – адзін у адзін з омскай.

У кастрычніку 2019 каля дзясятка чалавек з адміністрацыі сажавага завода напісалі заяву ў Магілёўскі РАУС аб тым, што каардынатар кампаніі «За здаровы Магілёў» Андрэй Бодзілеў у складзе групы спрабуе вымагаць у іх хабар. Знаёмая песня».

Таксама выданне публікуе вось гэтае фота з мітынгу працоўных завода ў падтрымку ўласнага прадпрыемства:


Сутнасць у тым, што верагодны ўладальнік «Омск Карбон груп» спадар Каплунат і кампанія прыкрываюцца гучнымі словамі накшталт «рэальны прыклад інтэграцыі дзвюх эканомік», «нацпраекта», «з нас вымагаюць грошы» і іншымі, каб прыкрыць рэальныя праблемы з экалогіяй. Далей ён можа пачаць прыкрывацца нават прозвішчамі Лукашэнкі і Пуціна.

Таму магілёўскім актывістам і міліцыі не трэба падманвацца – усё гэта толькі частка прадуманай стратэгіі барацьбы алігарха з непажаданымі. Магілёўцы павінны старанна сачыць за экалагічнай сітуацыяй і дзейнічаць максімальна жорстка.

Паказальным прыкладам застаецца прыналежнасць прадпрыемстваў. Нагадаем, група кампаній «Омск Карбон груп» належыць кіпрскаму афшору. Завод «Омск Карбон Магілёў» афіцыйна з’яўляецца расійскім інвестпраектам «Омсктэхвуглярода», і яго юрыст публічна адмаўляе датычнасьць да кіпрскім кампаніям. Але заснавальнікам самога прадпрыемства «Омсктэхвуглярод», па інфармацыі Федэральнай падатковай службы Расіі, са 100% -ай доляй з’яўляецца менавіта кіпрская прыватная кампанія з адказнасцю, абмежаванай акцыямі «Омск Карбон Груп Лімітэд». У Омску знаходзіцца толькі цэнтральны офіс міжнароднай кампаніі.

Пад Магілёвам запусьцілі хімічны завод з расейскім капіталам. Жыхары пратэставалі

Прадпрыемства з расейскім капіталам «Омск Карбон Магілёў», якім занепакоеныя эколягі і мясцовыя жыхары, пачало вырабляць тэхнічны вуглярод «у межах пусканаладачных работаў». Пра гэта паведаміла Свабодзе 19 сьнежня прэсавая служба заводу.

Прадпрыемства «Омск Карбон Магілёў». 19 сьнежня 2019 году

 

Сьцісла пра завод і грамадзкі пратэст супраць яго

  • «Омск Карбон Магілёў» пачалі ўзводзіць у 2014 годзе на пляцоўцы № 4 Свабоднай эканамічнай зоны «Магілёў» за кілямэтар ад паселішчаў Вейна і Навасёлкі і гарадзкой мяжы абласнога цэнтру. Акрамя гэтага прадпрыемства, на пляцоўцы працуюць ці будуюцца яшчэ некалькі хімічных вытворчасьцяў.
  • Удалечыні пасёлак Вейна. Жыхары шматкватэрных дамоў добра бачаць хімічнае прадпрыемства
  • У будаўніцтва прадпрыемства ўкладзена 135 мільёнаў эўра. Яно ўваходзіць у склад расейскай кампаніі «Омск Карбон Груп». Першую чаргу зьбіраліся запусьціць у сакавіку 2019 году.
  • Завод спэцыялізуецца на вырабе тэхнічнага вугляроду. 80 працэнтаў прадукцыі абяцаюць экспартаваць за мяжу.
  • Узьвядзеньне заводу суправаджалі грамадзкія пратэсты. Нязгоду з будаўніцтвам жыхары выказвалі на грамадзкіх сходах і зьбіраючы подпісы.

 

Увечары з коміну «Омск Карбону» шугала полымя

Напярэдадні позна ўвечары жыхары пасёлку Вейна, які менш чым за кілямэтар ад прадпрыемства, казалі Свабодзе, што бачаць «незвычайную карціну»: з комінаў заводу «шугае полымя і пара». Некаторыя выказвалі думку, што прадпрыемства зноў, як і год таму, выкідвае сажу.

«Такога ніколі не было, — кажа жыхарка Вейна. — З пасёлку добра відаць, як нешта гарыць на „Омск Карбоне“. У мяне ўжо і суседзі пыталі пра гэта. Яшчэ ў нас смурод, нібы ад паленай гумы».

Так выглядала хімічнае прадпрыемства позьнім вечарам 18 сьнежня

А 22 гадзіне карэспандэнт Свабоды пад’ехаў да прадпрыемства. З Гомельскай шашы, якая за 150 мэтраў ад заводу, было відаць «празрыстае» полымя з коміну. З суседняй трубы выходзіла «пара». Паветра было насычанае «хіміяй» і аддавала гаркотаю.

 

Прэс-служба: на прадпрыемстве ўсталяваная сучасная ачышчальная сыстэма

У дасланым Свабодзе паведамленьні прэсавая служба піша, што прадпрыемства на момант запуску мела неабходны пакет дазвольнай дакумэнтацыі. Таксама была змантавана і ўведзена ў эксплюатацыю асноўнае абсталяваньне, «усталяваныя сучасныя ачышчальныя сыстэмы». З пускам першага патоку адначасова запрацавала і аўтаматызаваная сыстэма кантролю выкідаў забруджвальных рэчываў, напісана ў паведамленьні. Пытаньне Свабоды пра магчымае забруджваньне атмасфэры падчас запуску прадпрыемства засталося без адказу.

Панарамнае фота прадпрыемства Омск Карбон Магілёў

Увядзеньне ў эксплюатацыю вытворчасьці «Омск Карбон Магілёў» плянавалі ў чацьвёртым квартале 2019 году, пра гэта гаварылі на прэс-туры, які арганізавала кіраўніцтва прадпрыемства сёлета ў ліпені.

«Гэта першы тэхналягічны паток, адна вытворчая лінія магутнасьцю 40 тысяч тонаў у год», — удакладняў генэральны дырэктар Марат Ізгібаеў.

Паводле прэсавай службы, другі тэхналягічны паток гатовы на 85 працэнтаў.

 

Чаму занепакоеныя жыхары паселішчаў

Жыхары прылеглых да прадпрыемства паселішчаў Вейна і Навасёлкі з трывогаю чакалі запуску прадпрыемства. Асабліва ж занепакоіліся, калі зафіксавалі выкід у атмасфэру вялікага аб’ёму сажы. Як яны сьцьвярджаюць, адбылося гэта ў ноч з 17 на 18 лістапада 2018 году.

Паводле іх, навакольнае асяродзьдзе забрудзіла прадпрыемства з расейскім капіталам «Омск Карбон Магілёў» падчас пробнага запуску вытворчасьці тэхнічнага вугляроду.

Жыхарка пасёлку Вейна дэманструе сажу. Сьнежань 2018 году

Тады намесьнік старшыні камітэту прыродных рэсурсаў Канстанцін Цеплякоў у пісьмовым адказе жыхарам паведаміў, што ў пасёлку выяўлена перавышэньне нарматыву цьвёрдых часьцінак у 40 разоў. Пры нарматыве 17,01 мг/м³ фактычная канцэнтрацыя гэтых часьцінак была 690,17 мг/м³.

На прэс-туры прадстаўнікі прадпрыемства сьцьвярджалі, што выкід быў не ад іх, бо «паводле тэхналёгіі гэтага не магло быць». Маўляў, пры такой канцэнтрацыі меў быў быць чорны дым, але «ні чорнага дыму, ні чорнага сьнегу вакол прадпрыемства не было».

Фота: Радыё Свабода

Предприятие «Омск Карбон Могилев» создало видео «Анти-Нехта»

На официальных ютьюб-канале и странице предприятия «Омск Карбон Могилев» в соцсети появилось видео под названием «Анти-Нехта».

В начале 4-минутного ролика объясняется, что это ответ на упоминание предприятия в скандально известном фильме блогера Nexta (который позже был признан экстремистским), сообщает TUT.by.

«К чему стремятся противники президента Александра Лукашенко? И почему им не выгодна экономически сильная Беларусь? Ответы на этот вопрос — в нашем ролике» — с такого объяснения начинается видео «Анти-Нехта» от «Омск Карбон Могилев».

Далее говорится, что «предприятие наряду с другими упомянуто как пример злого умысла президента Беларуси». «Ведь по мнению Нехты Александр Лукашенко способствует ухудшению экологии синеокой, выступая за появление в стране новых предприятий», — говорит закадровый голос.

Далее в ролике предлагают разобраться, «в чем злонамеренность действий президента». Задают риторические вопросы, попутно перечисляя, что завод технического углерода в Могилеве создает новые рабочие места, соблюдает технологические процессы и все нормы закона.

В кадре появляется и гендиректор «Омск Карбон Могилев» Марат Игизбаев, который говорит, что это предприятие поможет экономике Беларуси.

Риторика закадрового текста такова, что противники завода «Омск Карбон Могилев» приравниваются к противникам президента, которые «прикрываются заботой об экологии, пытаясь дискредитировать курс развития страны, выбранный Александром Лукашенко».

В пресс-службе также говорят, что пикеты с антироссийскими лозунгами против еще не построенного завода «Омск Карбон Могилев», которые проходили во время предвыборной кампании, показывают, что «противникам президента очень удобно использовать завод для разжигания антироссийской истерии».

Напомним, что превышение норматива содержания твердых частиц выявили на одном из источников предприятия: 690,17 мг/м3 при норме 17,01 мг/м3. При этом, назвать это превышением нормы по закону можно лишь в том случае, если нарушения будут зафиксированы при повторном замере в течение 30 суток. А производство после выброса приостановили планово.

Пробный запуск «Омск Карбон Могилев» намечен на октябрь-ноябрь 2019 года. Ввод в эксплуатацию производственной линии намечен на четвертый квартал 2019-го.

Кіраўніцтва магілёўскага «Омск Карбону» пераканала эколагаў

Расейскі завод «Омск Карбон» пад Магілёвам ужо некалькі гадоў з пераменным поспехам змагаецца з мясцовымі жыхарамі. Абодва бакі падавалі скаргі ў пракуратуру, збіралі подпісы і ладзілі прэс-канферэнцыі, у часы замірэння садзілі разам дрэвы. І вось дайшло да спакойных перамоваў і тлумачэння пазіцыяў. Галоўнае пытанне: ці ёсць небяспека новых выкідаў сажы проста ў вокны людзям?

Кіраўніцтва магілёўскага «Омск Карбону» спрабуе пераканаць, што прадпрыемства бяспечнае. На заводзе адбылася адмысловая сустрэча, на якой, апроч эколагаў, прысутнічалі прадстаўнікі кіраўніцтва свабоднай эканамічнай зоны і аблвыканкаму. Не было на сустрэчы не толькі мясцовых жыхароў: актыўных праціўнікаў будовы туды таксама не запрасілі.

«Я не магу сказаць, паводле якой сістэмы «Омск Карбон» вырашаў каго запрашаць. Хутчэй за ўсё самых лаяльных на іхную думку», – мяркуе каардынатар ініцыятывы «За здаровы Магілёў» Андрэй Бодзілеў.

Тыя эколагі і грамадскія актывісты, што прысутнічалі на сустрэчы, вынікам засталіся задаволеныя.

«Не магу сказаць, што я проста супакоілася, мне трэба падумаць прааналізаваць, але сёння сапраўды быў вялікі крок, каб зразумець, што тут адбываецца, і зразумець, наколькі гэта небяспечна», – адзначае эколаг Ганна Скрыган.

Паводле прадстаўнікоў «Омск Карбону», баяцца шкодных выкідаў у гараджанаў няма прычынаў. А што датычыць выкіду сажы, які адбыўся летась у лістападзе, то кіраўніцтва заводу пераконвае, што перавышэнне канцэнтрацыі цвёрдых часцінак было толькі каля трубы.

«Прадпрыемства, напрыклад, у Нямеччыне, яно размяшчаецца ўвогуле ў рысе гораду ў Кёльне. У Іспаніі. І такіх прыкладаў вельмі шмат, таму непакоіцца ў людзей няма падставаў», – лічыць кіраўнік юрыдычнага аддзелу прадпрыемства «Омск Карбон Магілёў».

Праціўнік заводу Андрэй Бодзілеў мае іншае меркаванне на гэты конт:

«Чаму трэба баяцца? Бо інцыдэнт быў, нягледзячы на завярэнні пра бяспеку гэтага заводу. Упэўненасці на сённяшні дзень няма, дакументацыі нам не даюць, каб пераканаць нас, даць нам вывучыць і сказаць: глядзіце, нам хаваць няма чаго, ідзіце, звярайце, глядзіце».

Апытаныя намі магілёўцы выкідаў з заводу баяцца і пераканаць іх у бяспечнасці прадпрыемства кіраўніцтву будзе складана:

«Я не ведаю, ці можна ў гэтым пераканаць людзей».

«Я нават не магу сказаць. Калі б я там была, то, можа, штосьці і…»

«Можа, запусціць рэкламную кампанію? Не думаю, што гэта спрацуе, але ўсё ж».

«Я б паглядзеў рэпартаж вашага тэлеканалу з гэтага заводу, каб супакоіцца ці, наадварот, расперажывацца».

«Я не думаю, што ён будзе бяспечны, штосьці будзе выдзяляць».

Паводле ўдзельнікаў, пытанне будовы станцыі маніторынгу паветра ўздымалася падчас сустрэчы.

«Я пытаўся пра тое, ці гатовы «Омск Карбон» браць удзел у інвест-праекце для набыцця абсталявання для кантролю навакольнага асяродку, і яны адказалі, што гатовыя ўзяць удзел салідарна з усімі рэзідэнтамі СЭЗ», – распавядае актывіст Зміцер Яўстратаў.

Праект станцыі пакуль у стадыі разгляду, дзясятак прадпрыемстваў у свабоднай эканамічнай зоне ўжо працуе, і запуск першай тэхналагічнай плыні заводу «Омск Карбон» плануецца ўжо сёлета.

Ірына Дарафейчук, belsat.eu

 

Кіраўніцтва «Омск Карбон» заявіла ў міліцыю, што эка-актывісты выбіваюць з іх грошы. А потым само ж гэта абвергла

Цяпер у сітуацыі разбіраецца Магілёўскі РАУС, піша mspring.online. Каардынатар кампаніі “За здаровы Магілёў” Андрэй Бодзілеў паведаміў, што … чытаць далей

У Магілёве хаваюцца «зялёным шчытом» ад хімічных прадпрыемстваў

2300 саджанцаў клёну і бярозы высадзілі пад Магілёвам, каб абараніць ад нэгатыўнага ўзьдзеяньня хімічных вытворчасьцяў прылеглыя паселішчы.

«Омск Карбон Магілёў», які зьбіраюцца запусьціць у 2019 годзе”, і ахоўная лесапаласа перад ім

Мясцовыя жыхары і эколягі настойваюць, што гэтыя прадпрыемствы носяць шкоду здароўю людзей і навакольнаму асяродзьдзю.

Экалягічны актывіст: «Каб цалкам аднавіць зьнішчаную лесапаласу, патрэбныя яшчэ 5-7 тысяч дрэваў»

12 кастрычніка бярозы і клёны талакой высаджвалі ў пасёлку Вейна і ўздоўж Гомельскай шашы — мяжы пляцоўкі з хімічнымі вытворчасьцямі.

Лідэр ініцыятывы «Здаровы Магілёў» Андрэй Бодзілеў называе гэтую экалягічную акцыю «Зялёны шчыт». Ён сьцьвярджае, што ідэю масавай высадкі дрэваў прапанавалі камітэту аховы прыроды і навакольнага асяродзьдзя экалягічныя актывісты.

Высадкай кампэнсуецца частка высечанай лесапаласы. На думку Андрэя Бодзілева, каб цалкам аднавіць яе, патрэбныя 5-7 тысяч дрэў. Ён кажа, што найбольш эфэктыўна паглынаюць хімічныя рэчывы хваёвыя пароды, таму менавіта іх актывісты раілі высаджваць камітэту аховы прыроды.

Маладое пакаленьне пасёлку Вейна, якому «радавацца» высаджаным талакою дрэвам

Пацьвердзіць словы Бодзілева пра эфэктыўнасьць хваёвых парод на месцы правядзеньня талакі не ўдалося. Спэцыялісты камітэту выбар бярозы і клёну патлумачылі тым, што яны лепей прыжываюцца і растуць.

Жыхар Вейна: думаць пра ўратаваньне трэба было, калі высякалі паўвекавыя дрэвы

Жыхары Вейна вінавацяць уладу, што яна дазволіла разьмяшчаць вытворчасьці, не пралічыўшы небясьпекі. На іх думку, высаджанае «калі і ўратуе, то гадоў празь пяць, стаўшы дрэвамі».

«Думаць пра ўратаваньне трэба было тады, калі сьпілавалі лесапаласу. Сьсеклі 50-гадовы лес за два месяцы, а цяпер прапануюць чакаць, калі вырастуць саджанцы, дык гэта сьмеху варта. Можа нашы дзеці і ўнукі парадуюцца», — сумна камэнтуе пасялковец свой удзел у акцыі.

Вейнянцы кажуць, што на месцы, дзе цяпер разьмешчаны хімічныя вытворчасьці, быў высаджаны гай, як шчыт ад узьдзеяньня найвялікшага ў Магілёве прадпрыемства «Хімвалакно». Лес высеклі пад пляцоўку № 4 свабоднай эканамічнай зоны «Магілёў».

Завод хімічнага вугляроду ад Вейна меней чым за кілямэтар

Сьсечаныя хваёвыя абяцалі кампэнсаваць ліставым лесам

Раней між пляцоўкай, на якой узьведзеныя ці яшчэ ўзводзяцца дзясятак хімічных вытворчасьцяў, і паселішчамі Вейна і Навасёлкі была ахоўная лесапаласа, але яе істотна прарэдзілі, а месцамі цалкам высеклі.

Чыноўнікі сьцьвярджалі, што пад пілу пайшлі хваёвыя дрэвы, пашкоджаныя жукамі караедамі. Дзялянкі абяцалі засадзіць ліставым лесам.

Прарэджаная лесапаласа з хваёвых засаджваецца ліставымі пародамі дрэў

Занепакоенасьць станам навакольная асяродзьдзя абвастрылася, калі жыхары пасёлку Вейна зафіксавалі выкід у атмасфэру вялікага аб’ёму сажы. Як яны сьцьвярджаюць, адбылося гэта ў ноч з 17 на 18 лістапада 2018 году.

Паводле іх, навакольнае асяродзьдзе забрудзіла прадпрыемства з расейскім капіталам «Омск Карбон Магілёў» падчас пробнага запуску вытворчасьці тэхнічнага вугляроду.

ады намесьнік старшыні камітэту прыродных рэсурсаў Канстанцін Цеплякоў у пісьмовым адказе жыхарам паведаміў, што ў пасёлку выяўлена перавышэньне нарматыву цьвёрдых часьцінак у 40 разоў. Пры нарматыве 17,01 мг/м³ фактычная колькасьць гэтых часьцінак была 690,17 мг/м³.

Цяпер вейнянцы з трывогаю чакаюць запуску прадпрыемства. Паведамляецца, што гэта мае адбыцца сёлета ў чацьвёртым квартале.

Сьцісла пра завод і грамадзкі пратэст супраць яго

  • Прадпрыемства з расейскім капіталам пачалі ўзводзіць у 2014 годзе на пляцоўцы № 4 Свабоднай эканамічнай зоны «Магілёў» за кілямэтар ад паселішчаў Вейна і Навасёлкі і гарадзкой мяжы абласнога цэнтру. Акрамя гэтага прадпрыемства, на пляцоўцы працуюць ці будуюцца яшчэ шэраг хімічных прадпрыемстваў.
  • У будаўніцтва прадпрыемства ўкладзена 135 мільёнаў эўра. Першую чаргу зьбіраліся запусьціць у сакавіку 2019 году.
  • Узьвядзеньне суправаджаецца грамадзкімі пратэстамі. Сваю нязгоду з будаўніцтвам прадпрыемства жыхары паселішчаў выказвалі на грамадзкіх сходах і зьбіраючы подпісы.

Фота: Радыё Свабода

Крыніца: Радыё Свабода

Прадстаўнікі «Омск Карбону» не прыйшлі на сустрэчу з актывістамі

Упэўніцца, што вытворчасць магілёўскага «Омск Карбону» не будзе шкоднай для людзей і навакольнага асяроддзя. Дзеля гэтага актывісты зладзілі сустрэчу і запрасілі на яе прадстаўнікоў улады ды кіраўніцтва заводу. Аднак адказныя асобы сход праігнаравалі.

Дзмітрый Яўстратаў, арганізатар сустрэчы:

«Чаму выбар на гэтае прадпрыемства? Напэўна таму, што яно стала апошняй кропляй у чарадзе кластара хімічных прадпрыемстваў. Санітарна-ахоўная зона «Хімвалакно» па сутнасці стала санітарнай абароннай зонай для гэтага кластару прадпрыемстваў, і сумарнага выкіду, што выкідаюць гэтыя прадпрыемствы, напэўна, мне здаецца, ніхто і не лічыў».

Пасля пробнага запуску летась на «Омск Карбоне» адбыўся выкід цвёрдых часціцаў у атмасферу, які перавысіў норму ў 40 разоў. Вытворчасць прыпынілі, кіраўніцтва казала, што планава. Расследаваць сітуацыю прыцягнулі Міністэрства прыродных рэсурсаў і навакольнага асяроддзя. Цяпер прадпрыемства атрымала станоўчы вынік санітарна-экалагічнай экспертызы. Завод размясціў дакумент на сваім сайце, аднак у незалежных эколагаў засталіся пытанні.

Ганна Скрыган, міжнароднае грамадскае аб’яднанне «Экапраект»:

«З аднога боку нібыта і прадстаўлены працэс ачысткі, але не прыведзеныя тэхнічныя параметры цыклонаў, якія аказваюцца істотнымі пры абмеркаванні і разуменні таго, што будзе адбывацца. Трэба ведаць магутнасць цыклонаў, як яны будуць абслугоўвацца, якія часціцы ўлоўліваюцца, куды гэта накіроўваецца».

Частка тэхнічных характарыстык складае камерцыйную таямніцу, заяўляюць прадстаўнікі «Омск Карбону», а таму размяшчаць яе ў агульным доступе не будуць. Азнаёміцца з дакументам цалкам на ўмовах неразгалошвання інфармацыі актывістам прапаноўвалі на адмысловай прэс-канферэнцыі на мінулым тыдні. Магілёўцы палічылі прапанову вывучэння больш за 100 старонак цягам прэсавай канферэнцыі нерэальнай. А чаму прапанову прыйсці на новую сустрэчу не падтрымалі прадстаўнікі заводу?

Андрэй Буракоў, старшыня юрыдычнага аддзелу «Омск Карбон Магілёў»:

– Ну, завод жа будуем. Не было магчымасці прыйсці ўчора.

– Ні ў кога?

– Так, мы ж не можам адправіць працоўнага нейкага. Мусіць жа быць кваліфікаваны спецыяліст.

Між тым, нават дасяжная на сайце ацэнка ўздзеяння прадпрыемства на навакольнае асяроддзе, пададзеная з выкарыстаннем вузкай тэрміналогіі, можа быць не зразумелая не спецыялістам. Наколькі бяспечна пачуваюцца магілёўцы побач з такім суседам?

«Няхай бы гаварылі пра гэтае, ці нейкія дадзеныя давалі… каб людзі маглі з даверам ставіцца».

«Я давяраю нашым лабараторыям, якія вымяраюць гэтыя выкіды. Спадзяюся, што не дапусцяць гэтага».

«Сёння нават больш бяспечныя прадпрыемствы выклікаюць асцярогу, а такія магутныя, з вялікімі магутнасцямі, якія выкарыстоўваюць у вытворчасці свінец, вядома, гэта праблема».

Увод у эксплуатацыю вытворчай лініі заводу запланаваны ўжо сёлета ў чацвёртым квартале.

Юлія Лабанава, belsat.eu