2.1 C
New York City
27 студзеня, 2020
Культура Навіны Краснаполля

У інтэрнэце з’явілася кароткаметражка “1blin” пра жыхароў Краснапольскага раёна

У інтэрнэце з’явіўся кароткаметражны фільм “1blin” пра жыхароў Краснапольскага раёна Беларусі. На YouTube яго выклаў рэжысёр Антось Сівых.

“Прыйшла радыяцыя і прынесла шмат перамен, — піша ён. — Апошнія жыхары вёсак жывуць быццам у паралельнай рэальнасці, але яна не настолькі змрочная, як можа падацца”.

Фільм — дакументальны. Здымкі праходзілі падчас этнаграфічнай экспедыцыі “Краснаполле-2019”. Як адзначае рэжысёр, гэты рэгіён пацярпеў не толькі ад Чарнобыля, але і ад эканамічнага заняпаду.

Карціна складаецца з шэрагу гісторый уперамешку з песнямі. Разам яны расказваюць пра жыццё вяскоўцаў у мінулым і цяпер. Многія жывуць наводшыбе, у забруджаных радыяцыяй месцах, але гэта не замінае ім смяяцца нават з самых сур’ёзных рэчаў, паведамляе Еўрарадыё.

Related posts

Вершы “Пад вольным небам”

Год малой Радзімы ў Шклоўскім раёне

«Маленькага прынца» ў беларускай агучцы пакажуць у Магілёве

Дзяжурны адміністратар