Яндекс.Метрика Культура

«Гэта ўсё яна»

Новы спектакль, новая рэальнасць, новы моладзевы слэнг, але жыццёвыя праблемы і пытанні застаюцца вечныя – дарослыя і дзеці, каханне і жыццё.

На малой сцэне Магілёўскага абласнога тэатра драмы чарговая прэм’ера – пастаноўка «Гэта ўсё яна» па п’есе расійскага і беларускага драматурга Андрэя Іванова. Вось як апісаў ідэю спектаклю рэжысёр магілёўскага тэатра драмы Уладзімір Пятровіч“Спектакль пра канфлікт бацькоў і дзяцей. Гэты канфлікт спрадвечны, але сюды, сыходзячы ад часу, дадаюцца сучасныя тэхналогіі, і, дзякуючы ім, гэты канфлікт абвастраецца, павялічваецца…”

Сцэна са спектакля
Часта бывае, што бацькі быццам жывуць у сваіх прыдуманых “клетках”, не вельмі разумеючы, што свет навокал змяняецца і ў новага пакалення крыху іншыя каштоўнасці

 

А некаторыя бацькі наадварот – занадта перабольшваюць у сваіх уяўленнях прыхільнасці сваіх дзяцей
Але, самае галоўнае, не перайсці ў стасунках тую рысу, калі адбываецца “памылка доступу” і ўся сістэма канчаткова і незваротна “вісне”…

Як і ў сапраўдным жыцці, у спектаклі можна пачуць нават нецэнзурную лексіку, таму ў афішы і стаіць пазначка 16+. Рэжысёр патлумачыў, што ўвогуле, першы аўтарскі варыянт п’есы быў папросту напісаны лаянкай, у другім варыянце аўтар зрабіў самацэнзуру і выкарыстаў моладзевы слэнг, хоць некаторыя слоўцы засталіся. Але спектакль будзе цікава паглядзець не толькі дарослым, і падлеткі, у іх пераходны ўзрост 13-14 гадоў, шмат у чым змогуць пазнаць сябе, магчыма, неяк пераасэнсаваць свае адносіны з бацькамі.

Калі ўдумліва ўнікнуць у больш глыбокія, філасофскія карані праблемы стасункаў пакаленняў – старога і маладога, то можна нават правесці паралелі і з тым, што адбываецца зараз у Беларусі. Вось як адказаў на пытанне карэспандэнта 6tv.by наконт такога параўнання сам рэжысёр:
“Спектакль пра тое, што мы не чуем і не слухаем, і не хочам размаўляць са сваймі дзецьмі. Я не хачу сказаць, што вось маці дрэнная, а сын добры, ёсць віна і на сыне, які да размовы не вельмі імкнецца. Магчыма, у нейкіх агульначалавечых каштоўнасцях можна адсачыць і сувязь з сучаснымі падзеямі ў Беларусі”.

Уладзімір Пятровіч з акцёрамі на сустрэчы-абмеркаванні з журналістамі пасля “прагону” спектакля

Дарэчы, рэжысёр асабіста патрапіў у самы цэнтр такога жыццёвага канфлікту паміж “бацькам”-дзяржавай і “маладым пакаленнем”, якое прагне пераменаў. Уладзімір Пятровіч адседзеў трое “сутак” за “удзел у несанкцыянаваным мерапрыемстве”, хоць затрымалі яго папросту пад час удзелу ў краязнаўчай экскурсіі магілёўскага ТБМ.

Некалькі словаў пра аўтара п’есы. Андрэй Іваноў – расійскі і беларускі драматург тэатра і кіно, рэжысёр. Сябра Саюза пісьменнікаў Масквы. Намінант тэатральнай прэміі «Залатая маска» 2018 гадоў ў намінацыі «Лепшая праца драматурга». Нарадзіўся ў 1984 годзе ў Благавешчанску. Скончыў філалагічны факультэт Брэсцкага дзяржаўнага універсітэта імя А.С. Пушкіна па спецыяльнасці «Руская мова і літаратура». Працаваў рэдактарам і карэспандэнтам у беларускіх СМІ, аглядальнікам у інфармацыйным агенцтве «Інтэрфакс-захад», рэдактарам у выдавецтве “Лабірынт”.
Аўтар п’ес: «Гэта ўсё яна», «Чырвоны воўк» (шорт-ліст фестываля малады драматургіі «Любимовка-2015»), «Крыкі чаек», «Жэня на кухні», «Крыжовы паход дзетак» (1 месца ў IV міжнародным драматургічным конкурсе «Баденвайлер-2016»), «З вучылішчы”, “Август-6”, “Крыніцы святла», «Мертвятник». Сцэнар паўнаметражнай драмы «Шахід» быў адзначаны ганаровым дыпломам VII Казанскага міжнароднага фестывалю мусульманскага кіно.

А так размеркаваліся ролі ў новай пастаноўцы тэатру: Сын – Максім Чарнюк, Маці – Ірына Дунчанка, Таўэрскі крумкач – Ягор Шабетнік, Тоф – Лізавета Кароткая.

Прэм’ерныя паказы спектаклю адбудуцца 25 і 26 жніўня. Білеты можна набыць у касе тэатра і праз інтэрнэт.

Даведкі і замова квіткоў па тэл .: 8 (0222) 65-50-53, (+37529) 131-25-48 – A1, (+37529) 241-43-86 – МТС.  Каса тэатра: 8 (0222) 65-66-04

 Алесь Сабалеўскі. Фота аўтара

 

Больш фота:

Выпущен специальный конверт к Дню белорусской письменности в Белыничах

Министерство связи и информатизации Беларуси 20 августа выпускает в обращение конверт с оригинальной маркой «День белорусской письменности в … чытаць далей

Песня Юрыя Несцярэнкі “Спартовая фанацкая” знайшла сваіх слухачоў

Нам перамога як паветра патрэбна –

У гэтым упэўнены мы, адпаведна –

Разам чакаем лепшай сваёй гульні!       

 

Наша каманда гатова да бою –

Мы будзем побач, мы разам з табою,

І пераможам у гэтай гульні толькі мы!

Перадгісторыя такая: ніхто не мог ведаць, як будуць разгортвацца падзеі ў краіне. Беларускі музыкант спакойна выдаваў серыю архіўных запісаў пад умоўнай назвай “55 песень” (да свайго 55-годдзя, якое адбылося ў чэрвені 2020 года). На альбоме “Вясёлка перадусім “(“55 песень. Ч. 1”) трэцім па ліку трэкам ішла кампазіцыя “Спартовая фанацкая”.

 “Калісьці ў 2000-х, па замове хакейнай каманды, дзе гулялі дзеці маіх добрых сяброў – распавядае Юры Несцярэнка, – быў напісаны своеасаблівы неафіцыйны гімн той каманды. Варыянтаў канчатковага запісу было зроблена некалькі. І вось, адзін з іх, як аказалася, праз шмат гадоў знайшоў сваё месца не толькі ў складанцы раней невыдадзеных твораў…”

Падчас выбарнай кампаніі 2020 года, Юры прысвяціў песню спадарыні Ціханоўскай і іншым людзям, якія былі незаконна затрыманыя. Песня была размешчана на сайте “Радыё Свабода”. Гэта было 28 ліпеня, а ў хуткім часе Інтэрнэт, як вядома, быў адключаны і слухаць шмат чаго стала ўвогуле немагчыма.

Але раптам, падчас сумных агульнабеларускіх падзеяў адразу пасля выбараў, актывізаваліся слухачы і пажадалі быць яшчэ і гледачамі – яны зрабілі відэашэраг для “Спартовай фанацкай”. І ў дадзеным выпадку візуальным суправаджэннем стала не проста выпадковая відэанарэзка, а кадры з выявамі вядомых спартсменаў, якія ўва весь голас, без страху падтрымалі свой народ падчас цяжкіх жнівеньскіх падзеяў.

Аб’ядналіся ў сваіх выказваннях і намерах у цяжкі для краіны час самыя розныя спарсмены і гэта было адлюстравана аматарамі спорту ў роліку на песню:

футбаліст Антон Сарока (быў затрыманы падчас мірнай акцыі і незаконна асуджаны);

хакеіст  Ілля Літвінаў (схоплены пасля трэніроўкі ў Маладзечна проста на вуліцы і збіты);

Мікалай Сігневіч, футбаліст, які гуляў за каманды Грэцыі і Венгрыі, былы гулец БАТЭ выказаўся ў падтрымку беларускага народа;

Яўген Касцюкевіч (“Крумкачы”) на стыхійным мітынгу ў Жодзіна паказаў мэру Жодзіна на лес рук у падтрымку Ціханоўскай і спытаўся пра нібыта “20%”;

Сяргей Падалінскі, удзельнік беларускіх турніраў па міні-футболе, быў незаконна схоплены на вуліцы, збіты і адпраўлены ў камеру;

Сяргей Беркутаў, беларускі спартовы тэлекаментатар у знак пратэсту зволіўся з працы;

Аляксей Кудзін, баец змяшаных адзінаборстваў, больш за дзесяць разоў станавіўся чэмпіёнам свету – незаконна схоплены і пасаджаны за краты ў родным горадзе Маладзечна;

Аляксей Волкаў (Расія) – звярнуўся да ўладаў Беларусі з патрабаваннем выпусціць Кудзіна;

Не засталіся ў баку ад цяжкіх падзей і беларускія спартсменкі, якія асудзілі гвалт над мірным насельніцтвам і прызвалі да мірнага выйсця з крызісу:

Ганна Глазкова – чэмпіёнка свету па мастацкай гімнастыцы;

Вера Цапко – прадстаўляла Беларусь на шматлікіх міжнародных спаборніцтвах па тэнісе;

Надзея Скардзіна – біятланістка, алімпійская чэмпіёнка;

Дар’я Домрачава – чатырохразовая алімпійская чэмпіёнка, двухразовая чэмпіёнка свету;

Эльвіра Герман – чэмпіёнка Еўропы па лёгкай атлетыцы;

“Спартовая фанацкая”. Аўтар і выканаўца Юры Несцярэнка:

Дзмітрый Мікалаеў

Актеры Могилевского драмтеатра выходят из профсоюза после задержания своего режиссера

Актеры и сотрудники Могилевского облдрамтеатра написали письмо в поддержку режиссера Владимира Петровича, задержанного 11 августа во время проведения экскурсии. Письмо … чытаць далей

В Славгородском районе 13-15 августа отметят Медовый спас у Голубой криницы. Программа праздника

У памятника природы республиканского значения «Голубая криница» в Славгородском районе 13-15 августа отметят Медовый спас. Об этом сообщили … чытаць далей

Мультикультурная встреча «Soup» состоялась в Могилеве

1 августа в летнем дворике музея им. Б-Бирули выпускники Школы городских инициатив “Теплица” дали старт своему проекту.

В начале мероприятия прозвучали песни на 4 языках: польском, русском, украинском и беларуском.

После выступлений артистов представители туркменской диаспоры рассказали про национальную культуру Туркменистана. Удалось посмотреть на национальный женский костюм, попробовать плов, послушать барабан и туркменскую песню.

Также Анастасия Голденкова рассказала по происхождении народов и понятии “дискриминации”.

Маргарита Голденкова рассказала об образовательных возможностях программы Erasmus+.

Авторы хотели показать разнообразие культур и национальностей, которые проживают в Могилеве. Одна из целей встречи повысить доброжелательное отношение к представителям разных национальностей, проживающих в городе.

Завершилась встреча мозговым штурмом на тему как Могилев сделать мультикультурным городом, где уютно чувствуют себя жители разных стран и представители разных народов.

Прозвучали предложения создания уникального для Беларуси мультикульутного центра, где будут расположены офисы диаспор, конференц и концертные площадки, фудкорт с разными национальными кухнями. Также прозвучала идея дублировать в городе указатели на английском языке и запустить экскурсионные автобус с записанными экскурсиями на разных языках.

Авторы проекта надеются, что Могилев станет действительно мультикультурным и открытым для всех национальностей городом!