Яндекс.Метрика
У Беларусі

“Что нам стоит дом построить, нарисуем – будем жить”

Выніковыя лічбы развіцця розных галін эканомікі Беларусі ўсё часцей і часцей сталі залежыць не ад дасягненняў прадпрыемстваў, а ад жаданняў і ўказілак кіраўніка краіны.

Так і на гэты раз, 27 ліпеня 2020 года, у час працоўнай паездкі ў Нясвіжскі раён, А.Лукашэнка агучыў чарговую ўстаноўку для чынавенства на ураджай зернявых культур з улікам збору зерня кукурузы ў бягучым 2020 годзе.

Згодна яго ўстановак, мінімум, які належыць узяць хлебаробам краіны ў бягучым годзе, павінен скласці 9,5 млн. тон. З іх – 8 млн. тон зерня і 1,5 млн. тон. кукурузы.

Нават тэму выбарчай кампаніі А.Лукашэнка адсунуў на другі план. “Выборы выборами, а кушать все хотят. Поэтому главное должно быть сосредоточено здесь. Выборы – это уже вторично”, – акцэнтаваў ён увагу чынавенства.

І тут жа міністр сельскай гаспадаркі і харчавання І.Крупко ад імя ўсіх прысутных па прынцыпу “что нам стоит дом построить, нарисуем – будем жить» запэўніў, што сёлетняя ўраджайнасць у 37,6 ц/га дазволіць сабраць, нават, 8,1 млн. тон зерня, а прыбаўка бягучага года ў параўнанні да мінулага складзе 1,5 млн. тон.

Прынцып “намалюем – будзем жыць” у сельскай гаспадарцы працуе ўжо колькі год.

Жыць-то будзем, толькі як? Бо ад таго, які збор ураджаю хлеба намалююць чыноўнікі на паперы, узровень і якасць жыцця грамадзян краіны не палепшыцца.

Напрыклад, 10-га жніўня 2017 года ў час падобнай паездкі ў Брэсцкую вобласць ад кіраўніка краіны паступіла ўстаноўка на збор 10 млн. тон бункернай вагой. І як у нас бывае, патрэбна 10 – будзе 10.

У 2016 годзе ад устаноўкі на збор зернявых і зернебабовых культур па краіне ў памеры 9 млн. тон бункернай вагой пасля перапрацоўкі і сушкі засталося рэальна толькі 7,5 млн. тон.

Была спроба замахнуцца і на 12 мільёнаў. Яшчэ згодна “Дзяржаўнай праграмы ўстойлівага развіцця сяла на 2011-2015 гады” аграпрамысловы комплекс краіны павінен быў дасягнуць вытворчасць зернавых і зернебабовых культур у  памеры 12 млн. тон. яшчэ ў 2015 годзе.

Ад такіх прыпісак, нават, папера не магла вытрымаць – пачынала чырванець. Таму на самым высокім узроўні былі праведзены карэктыроўкі.

І ўжо згодна Дзяржаўнай праграмы на 2016-2020 гады былі закладзены больш нізкія паказчыкі і арыенціры ў памеры 10 млн. тон.

Закласці то заклалі, але ж нічога путнага для гэтага ў сельскагаспадарчай галіне так і не зрабілі.

Таму і прыходзіцца Лукашэнку што год даваць устаноўкі чыноўнікам па ўраджайнасці і валаваму збору хлеба, выязджаючы са сваёй світай на прыроду ў розныя рэгіёны краіны, растрачваючы бюджэтныя фінансавыя сродкі, тоны паліва, так неабходнага на той жа уборачнай кампаніі.

Але ж прыпіскамі людзей не накорміш, узровень жыцця не падымеш.

Ад неабходных рэформаў на сяле кіраўніцтва краіны адмаўляецца, што прыводзіць да далейшага пагаршэння стану сельгаспрадпрыемстваў, да збяднення сяльчан.

Рыгор Кастусёў

апошія запісы

Александр Лукашенко ведет себя, как будто ничего особенного не происходит

Вызваленыя пратэстоўцы расказалі пра зверствы сілавікоў

Штаб Бабарыкі агучыў патрабаваньні да ўладаў: Спыненьне гвалту, вызваленьне палітвязьняў і новыя выбары