Яндекс.Метрика
Экалогія

Кліматолягі зарэгістравалі рэкорднае зьніжэньне выкіду парніковых газаў

Міжнародны цэнтар кліматычных дасьледаваньняў у Осла рэгіструе рэкорднае зьніжэньне колькасьці парніковых газаў у атмасфэры. Толькі за красавік выкіды CO2 упалі на 17%. Да канца году, паводле прагнозаў навукоўцаў, аб’ём усіх парніковых газаў у атмасфэры можа скараціцца на 7%.

Пра гэта паведамляе сайт Euronews, дадаючы, што ніводная зь міжнародных і ўрадавых праграм не дамагалася такога выніку.

Гэтае зьніжэньне навукоўцы прыпісваюць скарачэньню прамысловай актыўнасьці на Зямлі з прычыны каранавіруснай пандэміі. Зьвесткі пра аб’ём парніковых газаў у атмасфэры былі атрыманыя ад 69 краінаў, якія даюць 97 адсоткаў сусьветных выкідаў і маюць 85 адсоткаў насельніцтва плянэты.

Тым ня менш, гэтае часовае зьніжэньне, паводле эколягаў, не дапаможа вырашыць кліматычныя праблемы плянэты.

«Тэмпэратура вырасла прыкладна на адзін градус у параўнаньні з даіндустрыяльнай эпохай праз выкіды за апошнія 100–200 гадоў. Так што зьніжэньне на працягу аднаго году, хай і вельмі значнае, не паўплывае на агульную карціну. Каб панізіць сярэднюю тэмпэратуру або канцэнтрацыю вуглякіслага газу ў атмасфэры, неабходна скараціць выкіды да нуля», — сказаў Глен Пітэрс зь Міжнароднага цэнтру кліматычных дасьледаваньняў.

Крыніца: Радыё Свабода

апошія запісы

Могилевчан приглашают пройти новый образовательный курс, позволяющий лучше защищать своё «право на город»

Дзяжурны адміністратар

Новое геометрическое озеленение Быхова

Дзяжурны адміністратар

Беларусь превращается в пустыню

Дзяжурны адміністратар