Яндекс.Метрика
Навіны Магілёва Палітыка і грамадства

Лісты беларускіх палітвязняў прэзентавалі ў Магілёве

Прэзентацыя выставы “Лісты палітвязняў: ад 1996 года да нашых дзён” прайшла ў грамадскім цэнтры “Кола” 18 верасня. Пад час яе магілёўцы атрымалі магчымасць сустрэцца і паразмаўляць з яе ўкладальніцай Палінай Сцепаненкай і грамадскім дзеячам, лідарам арганізацыі “Малады Фронт”, былым палітвязнем Яўгенам Васьковічам. 

У падрыхтоўцы экспазіцыі Паліне Сцепаненцы дапамагаў Праваабарончы цэнтр “Вясна” і ягоны кіраўнік Алесь Бяляцкі. Ён таксама павінен быў прыехаць у Магілёў, аднак з працоўных прычынаў не змог гэтага зрабіць. Па словах праваабаронцаў, з 1996 года за кратамі ў якасці палітвязняў пабывала каля двухсот чалавек, ўкладальнікам выставы ўдалося сабраць на гэты час амаль паўтары тысячы ліставанняў. На сённяшні дзень у Магілёўскай вобласці ўтрымліваюцца адразу двое палітвязняў – актывіст Дзмітрый Паліенка (папраўчая калонія №2 у Бабруйску) і праваабаронца Міхаіл Жамчужны (папраўчая калонія №17 у Горках).

 

Былы палітвязень Яўгена Васьковіч і праваабаронца Паліна Сцепаненка
 Першы беларускі палітвязень Славамір Адамовіч, які адседзіў 10 месяцаў за верш «Убей президента!»

Выстава прабудзе ў Магілёве некалькі дзён. Пдрабязна пра сустрэчу і выставу глядзіце ў нашым відэа.

Алесь Сабалеўскі. Фота і відэа аўтара

апошія запісы

Як магілёўцы «просяць», каб у іх адабралі грошы на дзяржСМІ і дабрачыннасць (ФОТА)

Судовыя выканаўцы забаранілі Рыгору Кастусёву карыстацца аўтамабілем і гаражом

Могилевчан приглашают пройти новый образовательный курс, позволяющий лучше защищать своё «право на город»

Дзяжурны адміністратар