Яндекс.Метрика
Культура

«Першы» спектакль пра першыя ўспаміны: Купалаўскі тэатр збірае гісторыі сваіх гледачоў

Для новага спектакля Нацыянальны акадэмічны тэатр імя Янкі Купалы збірае гісторыі сваіх гледачоў. Далучыцца да стварэння новай пастаноўкі можа кожны, хто падзеліцца ўспамінамі пра дзяцінства – менавіта яны і стануць асновай для новай рэжысёрскай працы Рамана Падалякі. Спектакль пад назвай «Першы» будзе першай прэм’ерай на Камернай сцэне тэатра ў гэтым сезоне, які праходзіць пры падтрымцы генеральнага партнёра – кампаніі А1.

Сёлета найстарэйшы тэатр краіны распачаў свой соты сезон і святкуе гэтую дату адметнымі падзеямі для сваіх гледачоў. Яшчэ ніколі тут не ставілі дакументальны спектакль, адмыслова для якога ствараўся б матэрыял па рэальных гісторыях рэальных людзей. Ідэя зрабіць пастаноўку для тэатра разам з людзьмі, якія яго наведваюць, належыць самім купалаўцам ­­– Раману Падаляку і Міхаілу Зую. Разам яны і пішуць той тэкст, што потым будзе гучаць са сцэны.

Будуецца ён на ўспамінах акцёраў і гледачоў, у якіх яны вяртаюцца ў сваё мінулае – ад маленства да 15 гадоў – і згадваюць самае важнае, што тады з імі адбылося ўпершыню. Да 26 лістапада кожны ахвотны таксама мае магчымасць стаць суаўтарам новага спектаклю, даслаўшы ліст альбо аўдыя\відэазапіс з расповедам пра нейкі асаблівы момант са свайго дзяцінства.

«Хочацца зрабіць шчыры спектакль пра людзей і для людзей – амаль на мяжы з рэальнасцю, таму мы ўпершыню звяртаемся да сваіх гледачоў са спадзяваннем на тое, што яны падзеляцца з намі сваімі гісторыямі. Нас цікавяць як самыя першыя ўспаміны пра сябе, так і падзеі, што аказалі ўплыў на чалавека ў раннім дзяцінстве. Усё тое, што засталося ў памяці: стасункі з бацькамі, дзіцячае каханне, першыя крыўды і здрады, святы, вясёлыя выпадкі. Мы паспрабуем даследаваць менавіта такія моманты, бо, каб зразумець тую матрыцу, з якой складаецца чалавек, трэба вярнуцца ў яго дзяцінства», – адзначыў Раман Падаляка, які ў дадзеным выпадку з’яўляецца яшчэ і рэжысёрам спектакля «Першы».

Свае ўспаміны ў любым фармаце можна дасылаць Раману на адрас raman.ramuald@gmail.com. Пастановачная каманда пакідае за сабой права рэдагаваць і перакладаць глядацкія гісторыі. Аўтары тых, што будуць адабраныя для спектакля, атрымаюць запрашэнні на прэм’ерныя паказы – яны маюць адбыцца ў студзені 2020 года.

Спектакль «Першы» – працяг гісторыі супрацоўніцтва Нацыянальнага акадэмічнага тэатра імя Янкі Купалы і кампаніі А1, што пачалася ў 2018 годзе з падтрымкі дэбютнай рэжысёрскай працы Рамана Падалякі «Радзіва «Прудок».

апошія запісы

Премьера анимационного фильма «Жди меня» в Могилеве!

Дзяжурны адміністратар

Прокуратура выявила массу нарушений в охране историко-культурного наследия в Могилевской области

В Круглом появилось граффити