Галоўная » правозащитники » Page 7

Пуціна ў Магілёве сустрэнуць дзясяткі ўлётак з напамінам пра расійскіх палітвязняў

Пасля забароны на пікет магілёўскія праваабаронцы Аляксей Колчын і Аляксандр Буракоў правялі інфармацыйную акцыю.

Колчын і Буракоў падавалі заяўку на правядзенне пікета салідарнасці з украінскім рэжысёрам Алегам Сянцовым, якому па палітычных матывах прысудзілі 20 гадоў зняволення ў расійскай калоніі.

Пікет павінен быў прайсці 12 кастрычніка – у дзень прыезду расейскага прэзыдэнта Уладзімера Пуціна ў Магілёў. Аднак магілёўскі гарвыканкам забараніў мерапрыемства, спаслаўшыся на тое, што праваабаронцы выбралі не тое месца для яго. Замест цэнтра горада яны павінны былі адправіцца на стадыён на вуліцы Чалюскінцаў. Гэтае рашэнне, па словах Колчына, будзе абскарджана ў судзе ў бліжэйшы час. А пакуль ён і Буракоў вырашылі дзейнічаць інакш.

– Мы падрыхтавалі каля паўсотні лістоў з інфармацыяй пра тое, што пакуль у горадзе натхнёна чакаюць прыезду Уладзіміра Уладзіміравіча, у расійскіх калоніях і турмах гніе 56 чалавек – рэжысёр Алег Сянцоў, праваабаронца Аюб Ціціеў і іншыя, – распавёў праваабаронца.

Па словах Буракова, яны дзейнічалі адкрыта.

– Усё ў рамках існуючага закона. Мы распаўсюдзілі абвесткі пра палітвязняў на дазволеных пляцоўках – спецыяльных інфармацыйных дошках побач з пад’ездамі, на прыпынках і тумбах. Імкнуліся максімальна «забіць» цэнтр горада, каб больш людзей даведаліся і памяталі, што стаіць за прыгожым весялосцю ў гонар прыезду расейскага прэзыдэнта.

Праваабаронца сказаў, што праблем з міліцыяй у іх пакуль не было, хоць ён і не выключае брутальнага варыянту развіцця падзей. Галоўнай праблемай, паводле праваабаронцу, стаў пошук падыходзячых паверхняў:

– Калі не ляпіць на слупах і сценах, то выходзіць вельмі абмежаваная колькасць пляцовак для аб’яў, – сказаў Буракоў.

Прэзідэнт Расіі Уладзімір Пуцін прыбудзе ў Магілёў 12 кастрычніка для ўдзелу ў пленарным пасяджэнні V Форуму рэгіёнаў.

Фота: mspring.online

Ігар Лазоўскі

Крыніца: mspring.online

 

У Магілёве ў дзень візіту Пуціна хочуць правесці пікет салідарнасці з Алегам Сянцовым

Магілёўскія праваабаронцы накіравалі ў гарвыканкам заяўку на правядзенне пікетасалідарнасці з украінскім палітвязнем. Прэзідэнт Расіі Уладзімір Пуцін плануе … чытаць далей

Лісты беларускіх палітвязняў прэзентавалі ў Магілёве

Прэзентацыя выставы “Лісты палітвязняў: ад 1996 года да нашых дзён” прайшла ў грамадскім цэнтры “Кола” 18 верасня. Пад час яе магілёўцы атрымалі магчымасць сустрэцца і паразмаўляць з яе ўкладальніцай Палінай Сцепаненкай і грамадскім дзеячам, лідарам арганізацыі “Малады Фронт”, былым палітвязнем Яўгенам Васьковічам. 

У падрыхтоўцы экспазіцыі Паліне Сцепаненцы дапамагаў Праваабарончы цэнтр “Вясна” і ягоны кіраўнік Алесь Бяляцкі. Ён таксама павінен быў прыехаць у Магілёў, аднак з працоўных прычынаў не змог гэтага зрабіць. Па словах праваабаронцаў, з 1996 года за кратамі ў якасці палітвязняў пабывала каля двухсот чалавек, ўкладальнікам выставы ўдалося сабраць на гэты час амаль паўтары тысячы ліставанняў. На сённяшні дзень у Магілёўскай вобласці ўтрымліваюцца адразу двое палітвязняў – актывіст Дзмітрый Паліенка (папраўчая калонія №2 у Бабруйску) і праваабаронца Міхаіл Жамчужны (папраўчая калонія №17 у Горках).

 

Былы палітвязень Яўгена Васьковіч і праваабаронца Паліна Сцепаненка
 Першы беларускі палітвязень Славамір Адамовіч, які адседзіў 10 месяцаў за верш «Убей президента!»

Выстава прабудзе ў Магілёве некалькі дзён. Пдрабязна пра сустрэчу і выставу глядзіце ў нашым відэа.

Алесь Сабалеўскі. Фота і відэа аўтара

Следчы камітэт адмовіўся ўзбуджаць крымінальную справу за згвалтаванне ў магілёўскім пастарунку

Затое пацярпелага будуць судзіць за зламаны стол. Арганізацыя «Праваабаронцы супраць катаванняў» даведалася, што магілёўцу Станіславу адмовілі … чытаць далей