Рыгор Кастусёў: Аб прадукцыі інфармацыйных кухань дзяржаўных СМІ

Журналістыка лічыцца адной са старажытнейшых прафесій у свеце, якая ва ўсе часы будзе заставацца адной з самых неабходных. Бо пры недахопе інфармацыі, без якаснай працы журналістаў любы грамадзянін пачуваецца як пры недахопе паветра. Журналістаў яшчэ нярэдка называюць паварамі на кухне інфармацыі.

Але, калі гаворка заходзіць аб беларускай журналістыцы дзяржаўных сродкаў масавай інфармацыі, то тут на працягу болей двух дзесяткаў гадоў прагледжваецца яўнае спаборніцтва з прадстаўніцамі іншай старажытнай прафесіі. А ад той ежы, што рыхтуюць журналісты дзяржаўных СМІ на кухне інфармацыі, нярэдка, проста ванітуе. У тым ліку, калі гаворка заходзіць пра сапраўдную ежу – аб вытворчасці сыравіны і прадукцыі харчавання ў сельскагаспадарчых прадпрыемствах краіны.

Напрыклад, згодна інфармацыі БЕЛТА, у 2020 годзе аграпрамысловы комплекс краіны намалаціў 7,83 млн. тон зерня, што амаль супадае з устаноўкай з верху напярэдадні ўборачнай кампаніі – намалаціць не меней 7,8 млн.

Аграрыі Магілёўшчыны, згодна гэтай жа інфармацыі беларускага тэлеграфнага агенства, у бягучым годзе намалацілі больш 1 млн. тон зерня.

І асабліва “радуе” чытача прагнозная інфармацыя Белта аб ураджаі бульбы ў бягучым годзе. Згодна Белта, лідарамі па ўраджайнасці з’яўляюцца Віцебская і Магілёўская вобласці, дзе з аднаго гектара збіраюць 344 ц. і 455,4 ц. з гектара адпаведна.

У савецкія часы за такую ўраджайнасць бульбы працаўнікам сельгаспрадпрыемстваў даваліся дзяржаўныя ўзнагароды. Ды і для сучаснай Беларусі 455 ц/га па вобласці – гэта найвялікшы поспех, ці, нават, рэкорд.

Бо ў самы паспяховы год для ўраджайнасці бульбы – 2018 год, толькі адно сельгаспрадпрыемства Магілёўскай вобласці – фермерская гаспадарка “Дзіана” Шклоўскага раёна, – дасягнула ўраджайнасці 430 ц/га, сабраўшы 40% абласнога аб’ёма вытворчасці.

Але ж на Магілёўшчыне ёсць і іншыя сельгаспрадпрыемствы, якія займаюцца вырошчваннем бульбы. Як, да прыкладу, ААТ “Новая Друць” Бялыніцкага раёна – адзінае прадпрыемства вобласці, якое мае крухмальны завод для перапрацоўкі бульбы.

Яшчэ ў ліпені 2020 года ў “Магілёўскіх ведамасцях” быў размешчаны артыкул журналіста гэтага выдання В.Кубекі, дзе ён праз інтэрв’ю дырэктара гаспадаркі В.Закардонскага ў самых “вясёлкавых” танах маляваў самыя аптымістычныя карціны развіцця “Новай Друці”.

Тады дырэктар гаспадаркі запэўніваў, што з агульнага бульбянога кліна ў 375 гектараў чакаецца вельмі добры ўраджай, а журналіст ну прама не мог адвесці вачэй ад 160-гектарнага поля, якое, па яго меркаванні, заслугоўвала пэндзаля мастака.

Не прадбачылася тады, са словаў дырэктара, і праблемаў з уборкай і перапрацоўкай ураджая на крухмальным заводзе.

Прайшло два месяцы, і можна падводзіць вынікі аб праўдзівасці дырэктарскіх словаў, аб з’ядобнасці прадукцыі журналісцкай кухні “Магілёўскіх ведамасцяў”.

Нажаль, ежа, падрыхтаваная В.Кубекам на журналісцкай кухні “Магілёўскіх ведамасцяў”, зноўку, як і раней, аказалася з душком.

У той час, як некаторыя гаспадаркі вобласці ўжо падышлі да завяршэння ўборкі бульбы, у “Новай Друці” да гэтай пары яшчэ не выкапанымі застаюцца больш 70% бульбяных палеткаў. Ды і ўраджайнасцю гаспадарка не можа пахваліцца.

Усе аптымістычныя прагнозы па ўраджайнасці бульбы, наяўнасці тэхнікі для яе ўборкі і перапрацоўкі, засталіся пустым пшыкам.

Сведчаннем гэтаму з’яўляецца пустая пляцоўка для пераборкі бульбы побач з крухмальным заводам і прастойваючы да гэтай пары крухмальны завод па яе перапрацоўцы.

Мабыць, сёлета крухмальны завод спрацуе яшчэ горш, чым у мінулым годзе, калі было выраблена толькі некалькі тон крухмалу, альбо, верагодна, зусім не будзе запушчаны, бо перапрацоўваць-то няма чаго.

Так прастаіць цэлы завод, як прастойвае ўжо каторы год размешчаны побач з ім цэх па разліву мінеральнай вады.

Аб поўнай безгаспадарчасці ў сельгаспрадпрыемстве сведчыць стан і іншых аб’ектаў. Як, напрыклад, застаўся без дагляду шматгектарны сад, які сёлета будзе амаль без ураджаю яблык з-за памылкі ў апрацоўцы ядахімікатамі ў час цвіцення.

Аб фактах безгаспадарчасці ў “Новай Друці” можна распавядаць вельмі шмат, пабываўшы ў любым месцы гаспадаркі. І самае прыкрае, што ў гэтым плане “Новая Друць” на Магілёўшчыне не адзіная. Такіх гаспадарак у Магілёўскай вобласці дзесяткі.

Гэта агульнадзяржаўная праблема. Бо ў краіне адбываецца падбор кіруючых кадраў толькі па прынцыпу адданасці існуючаму правячаму рэжыму, а не па прафесіяналізму. У Беларусі за апошнія два дзесяткі гадоў цалкам выкаранена ў сялян адчуванне гаспадара на той зямлі, дзе ён жыве і працуе.

І гэта ўсё робіцца пры дапамозе і падтрымцы такіх вось журналістаў, якія ўжо не адчуваюць той смярдзючы пах, што стаіць на іх інфармацыйных кухнях.

Рыгор Кастусёў

Журналіст 6tv.by Алесь Сабалеўскі выйшаў на волю пасля трох сутак затрымання

Ленінскі райсуд Магілёва адправіў на дапрацоўку адміністрацыйную справу нашага журналіста Алеся Сабалеўскага, які дагэтуль трое сутак правёў у ізалятыра часовага ўтрымання, будучы адміністрацына затрыманым за нібыта ўдзел у несанкцыянаванай акцыі 13 верасня.

У той дзень Сабалеўскага затрымалі на Пушкінскім праспекце, дзе ён рабіў рэпартажы з “Маршу герояў”, і адвезлі ў Кастрычніцкі РАУС Магілёва. Пасля ён быў змешчаны ў ІЧУ, дзе знаходзіўся і падчас суда. Праўда, насуперак правілам, журналіста судзілі не ў Кастрычніцкім, а ў Ленінскім райсудзе горада. Судовы працэс праходзіў па відэасувязі.

Суддзе Таццяне Касцюк хапіла менш за 10 хвілін, каб зачытаць тое, у чым абвінавачвае Сабалеўскага міліцыя – у знаходжанні з 14 да 15 гадзін 13 верасня каля гандлёвага цэнтру “Атрыум”, дзе ён нібыта прымаў удзел у несанкцыянаваным масавым мерапрыемстве.

Журналіст цалкам адрынуў абвінавачванне і заявіў, што напісаннае ў пратаколе не адпавядае рэчаіснасці. Пасля гэтага суддзя Касцюк абвесціла, што накіроўвае матэрыялы справы затраманнага ў Кастрычніцкі РАУС на дапрацоўку.

Журналіста ж, як ён потым паведаміў, адвезлі у абласное ўпраўленне камітэта судовых экспертыз, дзе не толькі ўзялі адбіткі пальцаў, але і асобна перафатаграфавалі яго ў профіль і анфас. Пасля гэтага затрыманнага вызвалілі, бо сцякаў тэрмін трохсутачнага затрымання, якое дазваляецца да вынясення судовага вердыкту.

Паводле Сабалеўскага, ўсё, што з ім адбылося, гэта ціск і непрыхаваны пераслед за журналісцкую дзейнасць. Ён дзякуе ўсім, хто за яго хваляваўся.

Падрабязны расповяд, што адбывалася з журналістам Алесем Сабалеўскім гладзіце на відэа:

Уладзімір Лапцэвіч

Сергей Антонов: Не гнать пургу

Заглянул на днях в свою районную газету «Маяк Прыдняпроўя» и вспомнил журналиста, своего учителя и одну из его веселых историй из жизни местных акул пера. Заключалась она в том, что его, заведующего сельхозотделом, обвинили в недополучении районом мясной продукции. Буквально претензия сводилась к тому, что газета и он лично «завалили мясо». Не больше и не … чытаць далей

Бабруйскі апазыцыянэр расказаў, як яго затрымалі ў аптэцы

У Бабруйску выйшаў на волю з ізалятара былы дэпутат гарсавету, журналіст Аляксандар Чыгір. 14 верасьня яго асудзілі на трое сутак за ўдзел у несанкцыянаваным пікеце. Арышт ён адбыў да суду, паведамляе Радыё Свабода. Затрымалі Чыгіра ў аптэцы, дзе працуе жонка. Яна даслала мужу смс-паведамленьне, што прыйшла міліцыя. Ён кінуўся ратаваць жонку, а калі прыбег, то … чытаць далей

У Магілёве журналісты абскарджваюць рашэнне суда ў сфабрыкаванай справе

Фрылансэры журналістка Аліна Скрабунова і аператар Аляксандр Сідарэўскі атрымалі 8 содняў арышту за ўдзел у мітынгу, якога нават не было, распавяла Belsat.eu журналістка. «Нас затрымалі 11 жніўня ў кавярні ў горадзе, сярод дня. У гэты час не было акцыяў і нават не планавалася ў тым раёне. АМАПаўцы ў балаклавах проста зайшлі ў кавярню і вывелі … чытаць далей

Главред газеты “УзГорак” рассказала, о чем с ней говорили в милиции

9 сентября в милицию на беседу с руководством РОВД вызывали главного редактора газеты “УзГорак”, члена ОО “Белорусская ассоциация журналистов” Галину Будную. Она рассказала, о чем был разговор. Встреча проходила в кабинете начальника Горецкого РОВД Максима Павловича Дёменского. Кроме него присутствовали еще два человека, все они представились. Разговор проходил спокойно и без давления. В ходе беседы выяснилось, что … чытаць далей

Главного редактора горецкой газеты “УзГорак” вызывают в милицию

Для беседы с руководством РОВД вызывают главного редактора газеты “УзГорак” Галину Будную. Она должна явиться в милицию утром в среду 9 сентября. Галина Будная предполагает, что повестку прислали из-за того, что газета “УзГорак” освещала мирные акции, которые проходили в Горках после президентских выборов: “В качестве журналиста я присутствовала на нескольких мероприятиях, а потом писала материалы … чытаць далей

Могилёвским журналистам присудили громадные штрафы: сто базовых на двоих

Согласно решения суда Октябрьского райна Могилёва, журналисты Алина Скребунова и Александр Сидоревский будут обязаны выплатить по 1350 рублей каждый за нарушение ч.2 ст.22.9 КоАП Республики Беларусь. 7 сентября судья Октябрьского районного суда Могилевской области Ольга Кравченко оштрафовала могилевских журналистов Алину Скребунову и Александра Сидоревского по 50 базовых величин за незаконное изготовление продукции СМИ. Суд над … чытаць далей

Журналіст 6tv.by Алесь Сабалеўскі выйшаў на волю

Журналіст 6tv.by Алесь Сабалеўскі сёння, 7 верасня, выйшаў на волю пасля васьмі сутак адміністрацыйнага арышту за нібыта ўдзел у несанкцыянаваным масавам мерапрыемстве, што прайшло ў Магілёве 30 жніўня 2020 года. У ізалятыры часовага ўтрымання (ІЧУ) на яго быў складзены новы пратакол з аналагічным абвінавачваннем па арт. 23.34 КаАП адносна дэманстрацыі 23 жніўня, з якой журналіст таксама вёў анлайн-трансляцыю.

Пра тое, што на Алеся Сабалеўскага зноў пачаты адміністрацыйны працэс стала вядома па выхадзе журналіста з ІЧУ. Праўда, пакуль, акрамя складзенага пратакола за нібыта ўдзел у несанкцыянаваным масавам мерапрыемстве і апытання, пра гэты працэс нічога не вядома, у прыватнасці, калі адбудзецца суд.

Стаўленне адбыўшага адміністрацыйны арышт журналіста да сітуацыі, што склалася з ім тая ж што і падчас суда. “Я яшчэ на суде казаў, што гэта прававое бязмежжа. Як можна журналіста затрымліваць за тое, што ён працуе?” – казаў Сабалеўскі на ганку КПП ІЧУ.

Падчас арышту журналіст трымаў галадоўку пратэста супраць дзеяннеў, якія прымянілі да яго супрацоўнікі Ленінскага РАУС Магілёва. 30 жніўня падчас мірнага антылукашэнкаўскага шэсця яны брутальна затрымалі яго, нягледзячы на тое, што ён выконваў свае прафесійныя абавязкі – асвятляў падзею, якая адбывалася ў горадзе. Тое ж самае ён рабіў і на іншых акцыях, у тым ліку і 23 жніўня. Паводле Сабалеўскага, ён меркаваў, што яго сёння, у дзень заканчэння арышту, зноў асудзяць. Аднак гэтага не адбылося.Журналіст адзначаў, што новы адміністрацыйны працэс распачаў той жа супрацоўнік Ленінскага РАУС Паўлаў, які складаў на журналіста і папярэдні пратакол.

Сабалеўскі таксама паведаміў, што пасля суда, які адбыўся 1 верасня, ён напісаў заяву ў Ленінскі РАУС аб тым, што падчас стрыма на вуліцы Піянерскай нехта здзейсніў хуліганскі ўчынак – скінуў на людзей, і ў тым ліку на журналіста, з вакна гаршок з кветкамі. “Яшчэ я напісаў скаргу ў пракуратуру на супрацоўнікаў Ленінскага РАУС, за тое, што мяне затрымалі без усялякіх прававых падстаў як журналіста, і што я абвесціў галадоўку ў знак пратэста супраць гэтых дзеянняў”, – заявіў Алесь Сабалеўскі.

Нягледзячы на галадоўку, журналіст сцвярджае, што пачувае сябе добра, а ІЧУ ён назваў “міні-санаторыем”, дзе “ўсё было добра” і ніякіх прэтэнзій ні да адміністрацыі, ні да супрацоўнікаў установы ён не мае.


Нагадаем, што ўвечары 30 жніўня невядомыя людзі ў штацкім адзенні затрымалі Алеся Сабалеўскага, прымусіўшы яго спыніць онлайн-трансляцыю, якую ён вёў як журналіст 6tv.by. Даведацца пра тое, што ён затраманы міліцыяй, удалося толькі праз дзень. На дзеянні міліцыянераў у абласную пракуратуру была напісана скарга з боку кіраўніцтва Магілёўскага аддзялення ГА «Беларуская асацыяцыя журналістаў».

1 верасня суддзя суда Ленінскага раёна Магілёва Вікторыя Палякова пакарала Сабалеўскага васьмю суткамі арышта за нібыта парушэнне часткі 1 артыкула 23.34 КаАП РБ (удзел у несанкцыянаваным масавым мерапрыемстве).

Фота: Іван Барысаў

Відэа: Яўген Глушкоў

Тэкст: Уладзімір Лапцэвіч

Журналіста “Магілёўскага рэгіёну” “упакавалі” на 8 сутак. Ён абвясціў галадоўку (Відэа)

Суддзя суда Ленінскага раёна Магілёва Вікторыя Палякова 1 верасня пакарала карэспандэнта інтэрнэт-парталу “Магілёўскі рэгіён” Алеся Сабалеўскага 8 суткамі арышта за парушэнне часткі 1 артыкула 23.34 КаАП РБ (удзел у несанкцыянаваным масавым мерапрыемстве). На знак пратэсту супраць незаконнага зняволення журналіст абвясціў галадоўку. У судзе Сабалеўскі пераканаўча даводзіў, што ён ніякім чынам не ўдзельнічаў у прайшоўшым 30 … чытаць далей

Яндекс.Метрика