Яндекс.Метрика журналисты Archives - Магілёўскі Рэгіён

Журналіст-фрылансер Аляксандр Сідарэўскі вызваліўся пасля арышту (Відэа)

Увечары 22 лістапада ізалятар часовага ўтрымання ў Магілёве пакінуў журналіст-фрылансер Аляксандр Сідарэўскі, прабыўшы пад арыштам агулам 15 сутак.

Нагадаем, што Сідарэўскага затрымалі 13 лістапада ў Ленінскім райсудзе Магілёва. Туды ён прыйшоў як відэааператар на працэсс над іншым журналістам – карэспандэнтам “Магілёўскага рэгіёну” Алесем Сабалеўскім.

12 кастрычніка суддзя Магілёўскага райсуда Максім Курпачэнка асудзіў Сідарэўскага на 15 сутак арышту па ч.3 арт.23.34 КаАП. Раней журналіст трое сутак правёў да суда і быў вызвалены.

Адзначым, што цягам бягучага года, Аляксандр Сідарэўскі некалькі разоў быў аштрафаваны за нібыта незаконны выраб прадукцыі СМІ (арт.22.9 КаАП).

Уладзімір Лапцэвіч

Выпущенная из Могилевского ИВС журналистка рассказала об условиях содержания в изоляторах Беларуси (Видео)

Журналистка «Зеленого портала» Анастасия Захаревич 5 ноября была задержана в Минске, где проходил Марш людей с инвалидностью. Задержание произошло на проспекте Независимости недалеко от ГУМа.

Суд пакараў журналіста “Магілёўскага рэгіёну” штрафам за асвятленне пратэстнай акцыі

Суддзя Ленінскага райсуда Магілёва Таццяна Касцюк 12 лістапада 2020 года пакарала журналіста “Магілёўскага рэгіёну” Алеся … чытаць далей

Аднавіўся суд над журналістам “Магілёўскага рэгіёну” Алесем Сабалеўскім

Судовы працэс па справе журналіста “Магілёўскага рэгіёну” Алеся Сабалеўскага аднавіла суддзя Ленінскага райсуда Магілёва Таццяна … чытаць далей

Журналіста “Магілёўскага рэгіёну” чакае чарговы суд

Карэспандэнта інтэрнэт-партала “Магілёўскі рэгіён” Алеся Сабалеўскага 10 лістапада выклікаюць у суд Ленінскага раёна Магілёва для … чытаць далей

Журналіст “Магілёўскага рэгіёну” выйшаў на волю (Відэа)

Журналіст  “Магілёўскага рэгіёну” Уладзімір Лапцэвіч выйшаў на волю з ІЧУ УУС Магілёўскага аблвыканкама пасля двух сутак арышту.

Супрацоўнікі міліцыі затрымалі Лапцэвіча вечарам 6 лістапада. Яго затрыманне праваахоўнікі патлумачылі тым, што ў журналіста ёсць “неадбытыя суткі адміністрацыйнага арышту”.

Напярэдадні прэзідэнцкіх выбараў, 5 жніўня, Лапцэвіч быў затрыманы нібыта за непадпарадкаванне супрацоўнікам міліцыі. Суд Ленінскага раёна Магілёва пакараў журналіста 12 суткамі арышту. Аднак журналіста выпусцілі датэрмінова 15 жніўня ў сувязі з пратэстамі супраць жорсткіх затрыманняў у Магілёве.

Такім чынам, у Лапцэвіча сапраўды заставаліся неадбытымі двое сутак арышту. Аднак пра іх праваахоўнікі чамусьці ўзгадалі толькі зараз, хоць суд Ленінскага раёна Магілёва 30 верасня караў журналіста 13 суткамі адміністрацыйнага арышту па абвінавачанні ў парушэнні арт.23.34 КаАП (удзел у несанкцыянаваных масавых мерапрыемствах). Лапцэвіч адбыў пакаранне цалкам, і тады супрацоўнікі міліцыі нічога не казалі пра нібыта “недаседжаныя суткі”.

Лапцэвіч збіраецца абскарджваць дзеянні супрацоўнікаў праваахоўных органаў. Пасля выхада з ІЧУ журналіст распавёў калегам пра ўсе абставіны свайго затрымання.

Відэа: Міхаіл Аршынскі

Тэкст: Іван Барысаў

Затрымалі журналіста “Магілёўскага рэгіёну” Уладзіміра Лапцэвіча (Відэа)

Сёння вечарам у Магілёве быў затрыманы журналіст інтэрнэт-партала “Магілёўскі рэгіён” Уладзімір Лапцэвіч.

Па словах жонкі Уладзіміра Лапцэвіча, “яго затрымалі каля яго пад’езда. Ён паставіў машыну і ішоў дадому, а міліцыя яго даўно чакала (сказалі суседзі).”

Жонка і сын У.Лапцэвіча добра бачылі момант яго затрымання, яны кажуць, што журналіст быў абураны дзеяннямі супрацоўнікаў міліцыі. Сын паспеў зняць відэа, як супрацоўнікі міліцыі затрымліваюць бацьку.

Пасля затрымання Лапцэвіча даставілі ў Ленінскі РАУС Магілёва. Як распавёў “Магілёўскаму рэгіёну” праваабаронца Барыс Бухель, супрацоўнікі міліцыі пацвердзілі, што журналіст знаходзіцца ў РАУС. Яго затрыманне праваахоўнікі патлумачылі тым, што ў журналіста ёсць “неадбытыя суткі адміністрацыйнага арышту”.

Па словах Б.Бухеля, Лапцэвіча павінны адправіць адбываць пакаранне ў ІЧУ УУС Магілёўскага аблвыканкама. Пакуль журналіст па ранейшаму знаходзіцца ў Ленінскім РАУС.

Напярэдадні прэзідэнцкіх выбараў, 5 жніўня, Лапцэвіч быў затрыманы нібыта за непадпарадкаванне супрацоўнікам міліцыі. Суд Ленінскага раёна Магілёва пакараў журналіста 12 суткамі арышту. Аднак журналіста выпусцілі датэрмінова 15 жніўня ў сувязі з пратэстамі супраць жорсткіх затрыманняў у Магілёве.

Такім чынам, у Лапцэвіча сапраўды засталіся неадбытымі двое сутак арышту. Аднак пра іх праваахоўнікі чамусьці ўзгадалі толькі зараз, хоць суд Ленінскага раёна Магілёва 30 верасня караў журналіста 13 суткамі адміністрацыйнага арышту па абвінавачанні ў парушэнні арт.23.34 КаАП (удзел у несанкцыянаваных масавых мерапрыемствах). Лапцэвіч адбыў пакаранне цалкам, і тады ніхто не ўзгадаў пра нібыта “недаседжаныя суткі”.

Журналісты “Магілёўскага рэгіёну “ мяркуюць, што чарговы “наезд” на журналіста нашага партала з боку праваахоўнікаў можа быць звязаны са змешчаным учора на сайце матэрыяле “В Могилеве ПДД не для милиции (Видео)”, у якім Лапцэвіч з дапамогай відэа паказаў, як самі магілёўскія міліцыянеры парушаюць правілы дарожнага руху.

Іван Барысаў